Politique

FFM vaovao Mpikambana 18, tendren�ny filoham-pirenena ny 6

Politique
Alarobia 24 Febroary 2016

Tsy tontosa hatramin�izao ny iraka nampanaovina ny fikambanana ofisialy misahana ny fampihavanana voalazan�ny andininy faha-168-n�ny Lal�mpanorenana sy ny tondrozotra efa lasa lal�na tamin�ny septambra 2011.

Vaovao farany heno ny fanoloran’ny komity manokana manampahaizana ilay volavolan-dalàna fanitsiana ny fananganana ny Filankevitry ny Fampihavanana Malagasy tamin’ny filohan’ny Repoblika. Tsy fantatra hatreto ny tena vontoatiny saingy misy ihany ny tsilian-tsofina heno. Anisan’izany ny fampihenana ho 18 ny mpikambana handrafitra ny FFM. 3 isaky ny faritany izy io ka tendren’ny filoham-pirenena ny 6. Ahitana kaomisiona 3 ny FFM vaovao dia ny fahamarinana sy famelan-keloka, ny fanonerana sy fandoavana onitra ary ny vaomiera fananganana fanjakana. Miitatra hatramin’ny fiafaran’ny tetezamita tamin’ny taona 2013 ny vanim-potoana hosahanin’ny Filankevitry ny Fampihavanana Malagasy fa tsy nifarana tamin’ny fotoana nanaovana sonia ny sori-dalana. Tompon’ny teny farany amin’ny famotsoran-keloka ihany koa ny vaomiera miaraka amin’ny tantsoroky ny Fitsarana tampony. Tsy tafiditra ao anatin’ny lisitr’ireo firenena hisitraka ny «Tahiry Firaisankina ho an’ny Fandriampahalemana» vatsian’ny Firenena mikambana moa i Madagasikara hatramin’ny taona 2015.

Ramano F.