Politique

Feno Harison “Hatombotsika eto Antananarivo ny fanarenana.”

Politique
Alakamisy 26 Septambra 2019

Tsy vao androany aho no resy lahatra amin’ny fanarenana miainga avy any ifotony ny rafitra rehetra misy eto amin’ny firenena.

Hatombotsika eto Antananarivo izany ary izay toe-po sy toe-tsaina ho an’ny fiaraha-mientana sy firaisankina izay no naharesy lahatra ahy hirotsaka hofidiana ho ben’ny tanànan’Antananarivo Renivohitra, hoy ny kandida laharana faha 5 ao amin’ny bileta tokana, Feno Harison. Tsy misy dingana tsy ho tratra sy tanjona azo tanterahana, hoy izy, rehefa ao ny finiavana sy fahasahiana hanova. Miara-miaina eto isika ary mahita ny olan’ny rano, fitohanan’ny fifamoivoizana, ny lafiny sekoly. Mampalahelo ny fotodrafitrasa. Maro ny teboka mila arenina any amin’ny fiarahamonina ka mila ny fiaraha-mientan’ny tsirairay, hoy izy. Mikasika ny fifidianana amin’ny 27 novambra dia efa milaza sahady aho raha maheno siosion-dresaka fa efa miomana amin’ny fomba ratsy fanaony ka dia milaza aho, hoy hatrany izy, fa tsy mendrika ho an’ny firenentsika izany.

J. Mirija

Antananarivo