Politique

Fatma Samoura Tsy miala eto raha tsy mivaha ny krizy

Politique
Alakamisy 10 Aprily 2014

Mitombo 12 volana ny iraka tanterahan�ny mpandrindra maharitry ny sampan�ny Firenena Mikambana sady solontena maharitry ny Fandaharanasan�ny Firenena Mikambana misahana ny fampandrosoana, Fatma Samoura, araka ny loharanom-baovao voaray.

Mijanona eto ny tenany hatramin’ny taona 2015 hijery ny fizotry ny tena fivoahan’i Madagasikara amin’ny krizy. Iraka voalohany niandraiketany ny famerenana ny firenena Malagasy amin’ny tany tan-dalàna tamin’ny alalan’ny fifidianana. Fanamby vaovao miandry azy mandritra ny herintaona hijanonany eto ny fanatontosan’ny filoham-pirenena ireo fampanantenana nataony toy ny fampihavanam-pirenena izay tena manahirana tokoa satria tsy mitovy ny famaritana sy ny fomba fijerin’ireo fikambanana samihafa eo amin’ny fampiharana azy. Efa eo am-pijerena ny fanatsarana ny Filankevitry ny fampihavanam-pirenena rahateo moa ny PNUD ankehitriny.

Lalana iray amin’izany ny fiaraha-miasa amin’ireo mpanelanelana teny anivon’ny fiarahamonina nanome tanana tamin’ny fikarakarana sy fanatontosana ny fifidianana. Tsara ihany ny mampahatsiahy fa ny taona 2010 i Fatma Samoura no voatendry handray ny andraikiny teto Madagasikara ary taorian’ny fanasoniavana ny sori-dalana vao nanolotra ny taratasy manendry azy ho amin’izany toerana izany tamin’ireo manampahefana tetezamita.