Politique

Partagé sur :
• facebook

Tena tsy mazava amiko mihitsy, hoy ny depiote Théophile Christian avy amin’ny vondrona parlemantera MMM teo aloha,

  izay tena hevitr’ireo mitonona ho antoko mpanohitra amin’ny fivoizana tsy an-kijanona ankehitriny fa hoe : tsy azo kitihana ny lalàmpanorenan’ny Repoblika faha-4 iainana amin’izao fotoana izao. Sao hadinon’izy ireo anefa fa ny fomba fitenenana Malagasy manao hoe : izay miova Andriana, miova sata ?  Mahagaga, hoy ity depiote ity, fa izy ireo indrindra tamin’ny fotoana nahalany ho filoham-pirenena an’i Hery Rajaonarimampianina no nikiakiaka hoe hovao hovao fa tsy izy io lalàmpanorenan’ny Repoblika faha-4 io nefa ankehitriny nanjary niova hevitra fotsiny teo. Ny tena mahagaga ahy indrindra aza, hoy izy, dia ny nasahian’Atoa Hajo Andrianainarivelo filohan’ny MMM nilaza am-pahibemaso fa tsy tokony ho filoha izany mihitsy  i Hery Rajanaonarimampianina ary  loza  inona no ambarany fa hiseho eto amin’ny firenena raha kitikitihana io lalàm-panorenana io ? Sao dia tsy zakany kosa, hoy aho, ny nialan’ireo depiote 17 tsy ho anisan’ny vondrona parlemantera MMM intsony ? Ambarako, hoy ny depiote Théophile, fa olona mahitsy ny filoham-pirenena Malagasy Hery Rajaonarimampianina matoa nalaina ho ao anaty fitondrana avokoa rehefa mety antoko misy eto amin’ny firenena. Avelao izy hiroso amin’ny fanovana tiany hatao amin’io lalàm-panorenana io fa tokony hanolotra soson-kevitra kosa ny antoko rehetra ara-dalàna sy ireo fikambanana samihafa eny fa hatramin’ny olon-tsotra Malagasy aza ka tokony hijoroan’ny rehetra ny fomba hampiharana marina ny andininy faha--54 manome vahana ny “majorité parlemantaire” hanendry ny Praiministra hitantanana ny governemanta.

Ntsoavina Evariste

Tia Tanindrazana

Samia mijoro ho an'i Gasikara.