Politique

Fanonganana ny governemanta 51 ny sonia voaangona eny Tsimbazaza

Politique
Sabotsy 28 Oktobra 2017

Heno teny amin’ny Lapan’i Tsimbazaza omaly zoma 27 oktobra tamin’ny fiandohan’ny tolakandro fa niampy 17 indray ny sonian’ireo depiote voaangona hangataka ny « Motion de Censure » na fitsipaham-pitokisana ny governemanta

Malagasy ankehitriny, efa nisy 34 teo alohan’io izany hoe mahatratra 51 izany ny sonia voaangona hatry ny omaly zoma. Nomarihan’ireo tafaresaka tamin’ny Tia Tanindrazana teny an-toerana fa ny tsy fahombiazan’ny praiminisitra Mahafaly Solonandrasana Olivier sy ny minisitra maro ao anatin’io governemanta tarihany io. Mahagaga anefa, hoy ihany ny fanamarihana azo, fa ny filoham-pirenena Hery Rajaonarimampianina foana no voatsikera ombieny ombieny na an-gazety aza fa ny praiminisitra filohan’ny mpanatanteraka tsy mba voatonontonona mihitsy. Mbola nomarihan’ireto solombavambahoaka teny Tsimbazaza ireto fa tsy hijanona mihitsy ny fanangonan-tsonia hatao raha tsy feno ny fetr’isa ilaina amin’izany.

Ntsoavina Evariste