Politique

Fanonganam-panjakana 2009 Fatiantoka ara-toekarena 8 miliara dolara

Politique
Alarobia 11 Mey 2016

Tsy marisika hanala mpitondra fanjakana ivelan�ny Lal�mpanorenana intsony ny Malagasy taorian�ny fanonganam-panjakana ny taona 2009.

Fiainana tsaratsara kokoa mantsy no nantenaina kinanjo fatiantoka ara-toekarena, fahasahiranana ara-tsosialy ary fiarahamonina mahantra fadiranovana no setriny, efa-taona sy tapany taty aoriana. Nanodidina ny 5% ny harinkarena Malagasy amin’ny ankapobeny talohan’ny krizy. Niiba 20% anefa ny harinkarena anatiny ny taona 2013 na fatiantoka 8 miliara dolara ho an’ny toekarena Malagasy. Nitombo 2,9% na 3 tapitrisa ny isan’ny mponina teo anelanelan’ny taona 2008 sy 2013. Tsy nihetsika anefa ny fidiram-bola nasionaly ka nampitovy ny vola raisin’ny isam-batan’olona tamin’ny taona 2001. Niakatra 10% mahery kosa ny tahan’ny mponina miaina ambanin’ny 2 dolara isan’andro fetran’ny fahantrana. Mihoatra ny 6 hetsy ihany koa ireo ankizy nandao lakilasy ary mihoatra ny 50% ireo zaza tratran’ny tsy fanjarian-tsakafo any amin’ny faritra sasantsasany. Nidina ny fidiram-bolam-panjakana raha nahazo vahana ny hosoka ara-ketra. Nilatsaka hatrany amin’ny 30% ny fanampiana ofisialy avy amin’ireo mpiara-miombon’antoka ary niompana tamin’ny fandaharanasa maha olona ny ampahany betsaka tamin’ny tohana ara-bola. Tapaka ny famatsiambola ka potika sy simba ireo fotodrafitrasa momba ny rano sy ny herinaratra ary ny lalana.

Ramano F.