Politique

Fanoloana olom-panjakana maro Hanomanana ny fifidianana

Politique
Alarobia 27 Jolay 2016

Misesisesy ny fanoloana olona, izay matetika isaky ny filankevitry ny minisitra. Vao tamin�ny herinandro ambony no nanoloana ireo lehiben�ny distrika maromaro teto amin�ny firenena

. Teo ihany koa ny fanalana ireo tompon’andraikitra ambony izay nitazona toerana teknika saingy navadiky ny mpitondra ho politika izany, izay antony iray mampikorosy fahana ny raharaham-panjakana. Ho avy ny fifidianana lehiben’ny faritra ary mazava ho azy fa ho mora amin’ny mpitondra ankehitriny ny hanao baiko midina amin’ny fanapahan-kevitra tiana horaisina toy ny fanomezana baiko amin’ny fampandaniana ireo olon’ny mpitondra amin’ny fifidianana. Ireo mpifidy vaventy mantsy dia eo ambany fahefan’ireo sefo distrika vao notendrena. Ireo ben’ny tanàna ihany koa dia tsy maintsy ho tratry ny tery vay manta vokatry ny tsindry bokotra avy aty ambony ka ireo koa dia voatery sy omena baiko handresy lahatra ny vahoakany amin’ny fifidianana rehetra ho avy toy ny fifidianana filoham-pirenena. Iaraha-mahita fa izay tsy manaiky hiara-dia amin’ny mpitondra dia lasa sorona ny vahoaka sy kaominina ka manaiky tsy fidiny.

Toky R.