Politique

Fanoherana hala-bato Manana paikady ny Jeune TIM

Politique
Zoma 08 Novambra 2019

Ao anatiny tsara amin’ny fampahafantarana ny kandida izay tohanany amin’ny hazakazaka ahazoana ny lapan’ny

tanànan’Antananarivo dia ny kandida laharana faha-2 anaty bileta tokana, Rina Randriamasinoro, ankehitriny, ny Jeune TIM Analamanga, raha ny fanamafisan’ny filohany, Heriniaina Razanadrakoto. Efa hita koa ny lesoka teo aloha mikasika ireo fanaraha-maso ny valim-pifidianana na tamin’ny fifidianana filoham-pirenena io na depiote. Manana ny stratejia hanoherana ny hala-bato sy hosoka ny Jeune TIM, hoy izy, ho an’ity fifidianana kaominaly ity. Tsy hanaiky hala-bato intsony izahay. Ho hentitra ny fanaraha-maso ary hitondra porofo tena mivaingana izahay, raha sanatria mbola hisy izany. Raha misy ny tsy fahafaham-po manoloana ny zava-mitranga dia tsy maintsy hisy ny fanapahan-kevitra mifanaraka aminy, hoy hatrany izy.

J. Mirija