Politique

Partagé sur :
• facebook

Anaovan’ny Sehatra FAnaraha-maso ny FIainam-pirenena (SEFAFI) eto Madagasikara fanakianana mivaivay indray ny fomban’ny fitondrana ankehitriny izay mitady haka eo am-pelatanan’ny vahoaka fototra na ny

fokonolona ny fahalalahana feno  hisafidy ny olona  hifehy azy ireo eny anivon’ny fokontany. Tsy dia re tsaika ny fizotry ny fametrahana ilay lalàna fa ny filankevitry ny governemanta ny 9 febroary 2016 no nandroso ny hevitra fa tokony hotendren’ny lehiben’ny distrika sy ireo prefen’ny polisy  ireo  sefom-pokontany fa tsy hofidian’ny vahoaka  eny am-potony intsony. Ny filankevitry ny minisitra ny 17 febroary 2016 dia efa  novakiana voalohany io volavolan-dalàna io.

Araka ny fanambarana izay  navoakan’ny SEFAFI ny 12 martsa teo anefa dia tamin’ity fitondrana   ity vao nofoanana tanteraka izany fahafahan’ny vahoaka eny  amin’ny fonkotany  hifidy ny olona hifehy azy ireo izany. Araka ny fehin-kevitra navoakan’ity fikambanana ity tamin’ny 28 martsa 2008 anefa dia ny fokontany no antoka fototra ifanakalozan’ny vahoaka ka tokony homen-kasina satria antoka voalohan’ny fampandrosoana. Noho ny tahotra ny tsy hahafehy ny fifidianana izay ho avy anefa,  araka ny fandinihan’izy ireo, no mahatonga ny sefom-pokontany hotendrena izao. Raha ny lalàna mifehy ny fitsinjaram-pahefana sy ny fampanjakana ny demokrasia izay takian’ny mpamatsy vola ihany koa anefa dia tsy mifanaraka velively amin’izao hevitry ny fanjakana Hvm izao. Ho hita eo izay ho tohin’ny tantara na hiroso na hihemotra ny filoha Rajaonarimampianina Hery sy ny tariny.

Andry Ratovo 

Tia Tanindrazana

Samia mijoro ho an'i Gasikara.