Politique

Fandriana, Ambositra� Manantena an�i Dada ny vahoaka

Politique
Alatsinainy 13 Febroary 2017

Na tany Fandriana na tany Ambositra na tamin�ireo kaominina sy fokontany nolalovany tamin�ny RN7 sy tao anatin�ny faritanin�i Fianarantsoa dia nihaona sy niresaka mivantana tamin�ny vahoaka hatrany i Marc Ravalomanana ny faran�ny herinandro teo.

Resaky ny samy olom-pirenena sady resaky ny zanaka sy ny ray aman-dreny ihany koa anefa. Mbola tena mandray an’i Dada ho mpiaro azy sy ho filoham-pirenena ny ankamaroan’ireo olona nitafa taminy. Izy no nitantaran’ny olona sy nitarainan’izy ireo ny fidangan’ny vidim-piainana sy ny fahasahiranan’ny isan-tokantrano. Tena nahita mivantana i Marc Ravalomanana ary nahatsapa ny fahoriana mianjady amin’ny malagasy, izay rahateo no anton’ny fitsidiham-paritra ataony, tsy sanatria hampandry adrisa sy hanapi-maso amin’ny fizarana fanomezana fa hanadihady ny zava-misy marina mba hahafahana manolotra vahaolana haingana, mahomby sy mahasoa ny Malagasy. Mbola mamy hoditra amin’ny Malagasy ity filoham-pirenena teo aloha ity izay tsy mila kortezy na mpiambina am-polony amin’izay alehany n’aiza n’aiza eto Madagasikara fa tena mifangaro amin’ny olon-drehetra ary mahay mihaino sy mifanakalo hevitra mivantana amin’izy ireo. Mbola tena manam-pitokisana amin’i Dada ny Malagasy maro, izy rahateo efa nilaza fa kandida amin’ny 2018 koa dia datim-pifidianana sisa andrasana.

RTT