Politique

Fanasana nivadika rombo Senatera HVM nodarohan�ny zandary

Politique
Alarobia 11 Janoary 2017

Nanaitra ireo namany tonga teny amin�ny Lapam-panjakana Iavoloha ny 6 janoary 2017, nandritra ny Asaramanitra nifampiarahaban�ny samy andrimpanjakana ny nahita fivontosana tamin�ny tavan�ny senatera HVM Thu Jaune Horace Man.

Tsikaritry ny maro koa io tao Farafangana, na nezahana notakonana tamin’ny solomaso fiarovana amin’ny tara-masoandro aza, nandritra ny dian’ny filoham-pirenena tany an-toerana tamin’ny 4 janoary 2017. Araka ny loharanom-baovao akaiky ity loholona ity dia nandritra ny fanasana nokarakarainy tamin’ny 2 janoary 2017 noho ny taona vaovao no nisy fifamaliana teo aminy sy zandary iray izay voakasi-tanana teo imason’ireo olona nasaina. Tsy nahalefitra ity farany ka niitatra ny raharaha, nivadika ho rombo ary tao anatin’ny fifampikasihan-tanana no nahavoa ilay senatera.

Jean D.