Politique

Fanambaran�ny vondrona 6 Mailo ny ao amin�ny Magro

Politique
Zoma 26 Aogositra 2011

“Manomboka ny fampihavanam-pirenena ary ny mafy vava indrindra no nitondra teny”, hoy i Manoela tetsy amin’ny Magro Behoririka omaly. Aiza amin’izany ireo teo akaikin’i Dada mampadika ? hoy izy. “Miteny ny baromètre politika”, hoy i Camille Mektoub nanohy izany avy hatrany, “ka ireo mpisolelaka fatratra no lasa mamalan-kira. Mila mailo anefa isika manoloana izany satria ny ahiahy tsy ihavanana. Tandremo, hoy i Mektoub, ireo mitovy akanjo amintsika milaza fa zanak’i Dada nefa tsy izy akory ; io fangatahana daty io sao dia fanomanana milisy ? Mpikambana sasany ao amin’ny CT sy CST ihany no mitondra ny Ampanjaka, sady sao dia resaka fotsiny ireny satria fitsarana iza no handrava ny FAT ? HCC ve ?

Manoloana ny zava-misy dia nanamarika ny depiote teo aloha Ravelonanosy Mamitiana fa kabarim-pandresena no hatao manomboka izao. “Ady tamin’ny tsy rariny no nataontsika ary tsara hatrany ny vokatra”, hoy izy. “Tsy anjaran’ny FAT ny mametraka daty na mampitahotra ny Vondrona Iraisam-pirenena”, hoy i Christian Tabera. Ren’ny olona ny kiakiakantsika sy ny vahoaka malagasy ary mahatsapa ny maro fa tsy misy afa-tsy ny fiverenan’ireo filoha roalahy, indrindra fa i Dada, no vahaolana hivahan’ny krizy, hoy izy. Dia nanamafy izany ny rainy Tabera Randriamanantsoa tamin’ny filazana fa “bye bye” i Andry Rajoelina. Izany no tenin’izao tontolo izao noho ny antso teto Madagasikara. Ny toerana handehanany sisa no tadiavina, hoy izy.

Manohy