Politique

Fanadihadiana 17,8% no hifidy an-dRajoelina

Politique
Alakamisy 15 Martsa 2012

Fanontaniana an-tsain�ny maro ankehitriny ny mety ho fisehon�ny fifidianana izay ho filohan�ny Repoblika eto Madagasikara ho avy eo. Nampanao fanadihadiana ny Fikambanan�ny mpianatra informatika sy statistika eny Ankatso ny gazety Tia Tanindrazana.

Ny fanontaniana dia napetraka tamin’ny olon-tsotra miisa 460, lahy sy vavy monina eto Antananarivo Renivohitra tamin’ity volana martsa 2012 ity. Tsy noraisina ny anarany noho ny tahotry ny tsirairay.
Hita taratra tamin’izany ary fa 17,8 isan-jaton’ny olona nanontaniana ihany no milaza fa vonona hifidy an’ingahy Andry Rajoelina raha toa izy ka hilatsaka hofidiana.

Hita ho nidina tokoa izany raha nihoatra ny isan-jaton’ny vato lasany fony izy nilatsaka ho Ben’ny tanànan’Antananarivo Renivohitra. 51,1 isan-jato kosa no nilaza mivantana fa tsy hifidy azy, ary 25,4 isan-jato no niteny fa tsy tokony hilatsaka hofidiana akory izy. Ny ambiny moa dia tsy sahy naneho hevitra. Ny tena antony tsy hifidianan’ny olona azy raha napetraka ny fanontaniana dia noho izy tsy mahay mitantana. Ny 26 isan-jaton’ny olona no namaly tahaka izay. 18 isan-jaton’ny olona kosa no tsy hifidy azy noho izy mandainga ary ny 11,5 isan-jato dia tsy hifidy azy satria mihevitra ny olona nanontaniana fa mamerina ny fanjanahana eto Madagasikara izy.

Tia Tanindrazana.