Politique

Fampihavanana ara-drazana any Nosy varika Olona 8000 no andrasana

Politique
Alarobia 16 Aogositra 2017

Ny sabotsy 19 aogositra izao ao Nosy Varika no hanatanterahana ny antsoina hoe fampihavanana ara-drazana.

Araka ny fampitam-baovao dia miisa 8.000 ireo fanasana efa naparitaka mikasika azy ity ary hisy vahiny miisa 26 ao anatiny. Ao anatin’ireo nasaina moa, raha ny fanazavana, ireo tompon’andraiki-panjakana eto amin’ny firenena. Andriana, Sojabe, Tangalamena, Hazomanga sy izay rehetra mety ho olobe mpitana ny fomban-drazana no hitarika ny lanonana. Nanafatra ireo olobe namany kosa ny fikambanan’ireo Tangalamena mba tsy hanaiky hataon’ny mpanao politika fitaovana intsony amin’izao akatoky ny fifidianana izao. Raha misy kandida ho filoham-pirenena mangata-tsodrano aminareo, hoy ny solontenan’izy ireo, dia rano anaty dobo omena azy rehefa tsy vonona ny hihavana.

Légende:Haresaka ny tanànan’i Nosy varika amin’ny sabotsy izao (Tahirin-tsary)

J. Mirija