Politique

Fampihavanam-pirenena Tsy mety masaka

Politique
Alakamisy 29 Desambra 2016

Ny taona 2002 no efa nitsangana ilay CRN na ny Komitin�ny fampihavanam-pirenena.

Nandeha ny andro, ny volana, ny taona, tsy hita izay fampihavanana tontosa fa dia ny fitakiana tombontsoa nolazaina fa ilaina entina miasa, toy ny kara-tsolika sy ny karatra ho an’ny finday indray no notadiavin’ireo nasaina nampihavana. Nipoaka indray ny krizy 2009, voaporofo tamin’ny fomba niharihary fa vao mainka nitondra korontana fa tsy fampihavanana velively ny rafitra najoro. Napetraka indray moa taty aoriana ilay antsoina hoe Filankevitry ny Fampihavanana Malagasy na FFM saingy ny vaovao mafonja heno farany mikasika ity rafitra vaovao ity dia ny mikasika ilay trosaben’izy ireo hatrany amin’ny 70 tapitrisa Ariary ny volana jolay lasa teo. Raha ny hita teny amin’ny foiben’ny FFM etsy Ampefiloha ny talata teo moa dia efa saika lasa niala sasatra avokoa ireo tompon’andraikitra ao. Antenaina fa hisy hieritreretan’izy ireo tsara izany fiatoana kely izany ahafahany mitondra ny fampihavanana tena izy tokoa amin’ny taona ho avy. Ny tapaky ny volana desambra teo moa, raha tsiahivina, dia nanahirana mihitsy ny nandany ireo izay tokony handrafitra izay hisahana ny fampihavanam-pirenena izay teny anivon’ny Antenimieram-pirenena.

Mirija