Politique

Partagé sur :
• facebook

Mahagaga anay, hoy ry zareo avy eo anivon’ny vovonana politika Dinika ho an’ny Fanavotam-Pirenena, tao amin’ny foiben’ny AKFM Andravoahangy ambony, omaly,

ny mahita ireo antoko lehibe izay tarihin’ireo filoha teo aloha nampidirina ao anatin’ilay komitin’ny fampihavanam-pirenena vaovao. Toa io komity izay tsy tafiditra ao anaty Lalàmpanorenana io indray, hoy izy ireo, izao no efa in-droa niova fa ny Fitsarana Avo afaka mitsara ny filoham-pirenena na ilay antsoina hoe : Haute Cour de Justice tsy misy tokotaniny hatramin’izao, raha tokony ho efa nitsangana herintaona taorian’ny nahalanian’ny filoham-pirenena. Nilaza ny tsy fahafaham-pon’izy ireo tamin’ny fanovana governemanta koa moa ny DFP ary isan’ny tena nahagaga azy ireo indrindra ny nanomezana ny minisiteran’ny raharaham-bahiny hotantanin’ny tale kabinetran’ny filoham-pirenena teo aloha, Henry Rabary-Njaka. Ity farany, hoy izy ireo, efa sady nanondrana tao amin’ny Air Madagascar no nanondrana fony izy teo akaikin’ny filoham-pirenena. Manjavozavo be ny tontolo politikantsika, hoy ny DFP, taorian’ny fananganana ny CFM. Tokony handiso ny tsy fankasitrahany ny fitondrana ankehitriny, hoy ry Doudou, ireo nilaza izany teo aloha raha toa efa mankasitraka tampoka teo amin’izao fotoana. Marihina fa noraisin’ny filoham-pirenena teny Iavoloha ireo mpikambana 33 ao anatin’ny CFM omaly.

J. Mirija

Tia Tanindrazana

Samia mijoro ho an'i Gasikara.