Politique

Fametrahana fitoniana Tsy terena amin�ny basy, hoy i Pety Rakotoniaina

Politique
Alakamisy 02 Febroary 2017

Endrika iray ahitana fa tsy atokisan�ny vahoaka intsony ny fanjakana ny fisian�ny fitsaram-bahoaka, hoy i Pety Rakotoniaina, filohan�ny Antoko Tambatra, omaly.

Tsy terena amin’ny basy ny fametrahana filaminana fa tonga ho azy ary azo atao tsara ny mametraka fitoniana sy fandriampahalemana na ara-tsosialy na ara-politika rehefa mahita zavatra tsara sy mendrika ataon’ny mpitondra ny vahoaka, raha ny fanehoan-kevitr’io mpanao politika io. Tsy vitan’ny filazan’ny mpitandro ny filaminana hoe tsy mety ny fitsaram-bahoaka ny raharaha dia milamina ny zava-drehetra, fa mila manaporofo izy ireo fa miasa sy mahomby, hoy hatrany i Pety Rakotoniaina. Tsy mahatoky ny mpitandro ny filaminana sy ny mpitondra intsony ny olona, ka izay no mampirongatra azy io, ary efa ny mpitandro filaminana mihitsy ankehitriny no hiharan’ny fitsaram-bahoaka. Vahaolana tokony himasoana ny famerenana ny fitokisan’ny olona azy ireo mba ho fitaratra amin’ny fanarahana sy ny fampiharan-dalàna. Ahiana hitohy hatrany ny fitsaram-bahoaka raha mbola minia miraviravy tanana sy mijanona amin’ny resaka ambony latabatra ny manampahefana, fa tsy hiezaka hioitra sy hanaporofo ny fandraisana andraikitra.

Toky R