Politique

Faharo Ratsimbalson Lasa retirety tsy nahazo na mariboninahitra iray aza

Politique
Alarobia 10 Febroary 2016

Anarana tsy zoviana amin�ny maro izany Faharo Ratsimbalson izany. Manamboninahitra miaramila nanana ny lazany na teo amin�ny resaka politika na ny fandriampahalemana, indrindra tamin�iny faritra Menabe iny, izay niasany telopolo taona.

Efa misotro ronono ny lehilahy, ary grady kolonely no eny an-tsorony. Nanaitra ny nilazany raha tafaresaka tamin’ny Tia Tanindrazana izy fa “tsy mba nahazo na dia mariboninahi-pirenena iray aza, nefa nametraka mariboninahitra dahalo fony aho lehiben’ny Faritra Menabe”, hoy izy. Kandida tsy miankina (n°36) tamin’ny fifidianana filoham-pirenena, tamin’ny 2013 i Faharo Ratsimbalson. Manomana ny firotsahan-kofidiany amin’ny 2018 izy izao, araka ny filazany. Fitetezana Fokontany, tsy mandalo fotsiny fa matory no anisan’ny paikadiny amin’izany. Solombavambahoakan’i Belo Tsiribihina nandritra ny fe-potoam-piasana telo i Faharo Ratsimbalson, efa voafidy Ben’ny tanàna tao ihany koa ary notendren’ny Fitondrana avon’ny tetezamita ho Lehiben’ny Faritra Menabe.

Jean D.