Politique

Etazonia Hajao ny sori-dalana !

Politique
Alarobia 01 Aogositra 2012

Mikasika ny fikasan-dRtoa Lalao Ravalomanana hody eto Madagasikara dia namoaka fanambarana ny masoivoho amerikanina.

Fanambarana izay mifototra indrindra amin’ny antso avo ho an’ny rehetra mba hanaja ny andraikitra tandrify azy araka ny voalazan’ny lalàna iraisam-pirenena, indrindra ny mahakasika ny zon’olombelona sy ny fanjakana tan-dalàna. Nambaran’i Etazonia ihany koa fa ao anatin’ny tondrozotran’ny SADC ny hoe “mody tsy misy fepetra ireo mialokaloka any ivelany”. Manoloana izany dia tokony hataon’ny mpitondra ara-politika eto amin’ny firenena izay hizorana mankany amin’ny fifidianana malalaka, ara-drariny ary eken’ny fianakaviana iraisam-pirenena mba hamerenana ny fitondrana demokratika eto Madagasikara, hoy ilay fanambarana. Nohamafisin’ny be kintana fa manohana hatrany ny ezaka rehetra ataon’ny SADC amin’ny fijoroana ho mpanelanelana amin’ny fitadiavana vahaolana amin’ny krizy politika eto Madagasikara izy ireo.

Nangonin’i Soa