Politique

Esoavelomandroso Manass� Milaza ho tsy misy ilana ny tondrozotra intsony

Politique
Alatsinainy 05 Septambra 2011

Nitondra ny heviny momba ny raharaham-pirenena i Esoavelomandroso Manassé, Sekretera jeneralin’ny antoko Leader Fanilo rehefa tsy naharenesam-peo nandritra ny fotoana maharitra. Manoloana ny fanambaran’i Andry Rajoelina fa hosoniavina tsy iandrasana ny SADC ny tondrozotra nasiam-panitsiana dia nanambara ny tenany fa tsy misy ilana ilay tondrozotra intsony. “Niarahana tamin’ny SADC ny famolavolana iny tondrozotra iny ka rehefa tsy iarahana aminy intsony dia tsy misy tokony hanasoniavana azy akory”, hoy i Esoavelomandroso Manassé niteny amin’ny anarany manokana.

Araka izany dia ny lalàmpanorenana lany tamin’ny 17 novambra 2010 no tokony hitondrana ny tany sy ny firenena araka ny nambarany hatrany ka izay fifanarahana rehetra natao na teto an-toerana na tany ivelany dia tsy misy manan-kery avokoa. Nohamafisiny fa misy fepetra tetezamita ao anatin’ny lalàmpanorenan’ny Repoblika faha-4. Nandritra ny fandraisany ireo tanora miofana ho mpanao politika avy amin’ny firehana samihafa izay maka traikefa amin’ireo filohan’antoko no nanaovan’ i Esoavelomandroso Manassé io fanambarana io ny sabotsy teo.

Yves

Sary : Esoavelomandroso Manassé, Sekretera Jeneralin’ny antoko Leader Fanilo