Politique

Emmanuel Rakotovahiny Manahy ny amin�ny fanatanterahana ny sori-dalana

Politique
Talata 20 Septambra 2011

Firenena no noheverina tamin’ny fanasoniavana iny sori-dalana iny ka tsy mety raha ny Ankolafin’ny filoha Zafy Albert no hanakana ny tsy hahavitan’izany, hoy ny Dr Rakotovahiny Emmanuel mpitarika ny delegasion’ny ankolafy Zafy Albert. «Miahiahy aho anefa ny amin’ny fanatanterahana ilay sori-dalana. Raha manana finiavana politika anefa ny tsirairay dia tafarina io. Misy tokoa ve izay finiavana politika izay ?”. Mbola ny praiminisitra teo aloha, Dr Rakotovahiny Emmanuel ihany no nametraka izay ahiahy sy fanontaniana izay manoloana ny fahavitan’ny sonian’ny tondrozotra ny sabotsy 17 septambra teo. Araka ny fanazavany ihany dia efa nisy ny sonia natao toy izay vita tany Maputo saingy nolavina, ary dia izao isika tsy mety tafavoaka izao. Heverin’ity mpanao politika ity àry fa anisan’ny andrasana manomboka eto ny fananana hery politika samy manana fanetren-tena. Eo koa anefa ny fahavononan’ny rehetra amin’ny fitadiavana izay fomba hahatafavoaka ny fampiharana ilay sori-dalana niarahana nanao sonia.

Nangonin’i Soa