Politique

Dr Randriamiarisoa Joseph Tsy vitan’ny HVM irery ity fitantanana ity

Politique
Alakamisy 07 Septambra 2017

Tsy vitan’ny antoko HVM irery ny fitantanana ity firenena ity, hoy ny Dr Randriamiarisoa Joseph mpanao politika fa mila ny fifanomezan-tanan’ny mpanao politika rehetra na iza na iza eto Madagasikara toy ny TIM, Mapar, Arema, UNDD, MMM, MFM, AKFM, MFM … Miantso ny filoham-pirenena Hery Rajaonarimampianina ny tenako, hoy izy, mba hiantso ny rehetra tsy an-kanavaka fa izy no manana ny “légimité” afaka hampivondrona ireo hery rehetra ireo ankehitriny. Ambarako etoana fa tompon’andraikitra voalohany amin’ny tsy fandehanan-draharaha eto amin’ny firenena ankehitriny toy ny tsy fisian’ny fandriampahalemana manerana ny Nosy ny filoham-pirenena Hery Rajaonarimampianina, ny filohan’ny Antenimierandoholona, Honoré Rakotomanana ary ny filohan’ny Antenimieram-pirenena, Jean Max Rakotomamonjy.

Ntsoavina Evariste