Politique

Dr Randriamiarisoa Joseph « Marary i Madagasikara »

Politique
Zoma 29 Desambra 2017

Nahitsy ny tenin’ny minisitry ny tontolo iainana sy ny ala tamin’ny tetezamita Dr Randriamiarisoa Joseph raha namintina ny fiainam-pirenena tamin’ity taona 2017 hadiva hivalona ity. « Marary i Madagasikara, malemy ny andrimpanjakana».

Marefo avokoa ny rafitra rehetra fampianarana, fahasalamana, fandraharahana, hoy ity mpanao politika mpiara-dia tamin’ny Pr Zafy Albert ity. Vokatry ny tsy fahaiza-mitantana ny firenena, dia izao iaraha-miaina sy mahita izao ny vokany, hoy i Dr Randriamiarisoa Joseph : “tsy milamina ny tany, manjaka ny kolikoly sy ny fanodinkodinana samihafa, tsy mifampitoky ny samy Malagasy, santionan’izany ny miseho amin’ireny fitsaram-bahoaka ireny. Ny vahoaka tsy matoky ny mpitondra nefa io fifampitokisana io no fototry ny fampandrosoana”.

Jean D.