Politique

Dr Jean Louis Robinson Diso manjaka loatra ny tsy fanarahan-dalàna

Politique
Alatsinainy 15 Janoary 2018

Nivoaka tamin’ny fahanginany ny dokotera Jean Louis Robinson, kandida filoham-pirenena teo aloha sady ben’ny tanàna any amin’ny kaominina ambanivohitra Ampasikely, faritra Alaotra Mangoro

manoloana ny raharaham-pirenena misy ankehitriny. Nambarany fa diso manjaka loatra ny tsy fanarahan-dalàna eto amintsika ankehitriny. Nanomboka tamin’ny tsy fanajana ny lalàmpanorenana, mitohy hatrany amin’ny fampandehanana ny andavanandrom-piainan’ny mponina. Nasiany resaka manokana ny mikasika ny fifamoivoizana any amin’iny Faritra Alaotra Mangoro iny. Tetezam-by tsy mahazaka kamiao mihoatra ny 40 taonina no noteren’ny sasany nandehanana ka potika tanteraka. Miakatra ny vidim-piainana any amin’iny Faritra iny raha araka ny nambarany hatrany, mizaka ny tsy eran’ny aina ny vahoaka, mitoka-monina ihany koa ny ankamaroan’ny tanàna. Mila ovaina izany fomba fijery tia mandika lalàna izany, hoy izy. Mila ny fandraisan’andraikitry ny fitondram-panjakana ihany koa. Ho an’ny famatsiana herinaratra, ohatra, dia nantitranteriny fa tsy tokony ho an’Antananarivo irery ihany fa ezahina hapariaka manerana ny Nosy mihitsy.

Pati