Politique

Didier Radert Voaporofo izao fa ilaina ny Movansy Ravalomanana

Politique
Talata 06 Mey 2014

Izay vao tena ao anatin’ny ara-dalàna ny Antenimieram-pirenena, hoy Atoa Didier Radert, ka tsy tokony hiadian-kevitra ny fitarihana ny fivoriana ara-potoana voalohan’ity andrim-panjakana ity izay hanomboka anio. Nambaran’ity mpanao politika tanora ity fa raha nahay nifampiresaka sy nahay nisokatra tamin’ny hafa ny Mapar dia tsy tonga tamin’ny fialan-dRtoa Razanamahasoa izany, saingy ny ampihimamba nahazatra azy ireo ihany no mbola saika hataony kanefa efa tsy tetezamita intsony izao. Nanamarika ny tenany fa hiteraka fitoniana ary mizotra tsikelikely amin’ny fampodiana ny filoha teo aloha Ravalomanana Marc ny zava-misy amin’izao fotoana, ary porofo fa tsy azo ailika fa olona ilaina sy azo hiaraha-miasa ny Movansy Ravalomanana matoa nahatafiditra olona roa ao anatin’ity birao maharitra ity.