Politique

Partagé sur :
• facebook

Mananontanona ny fitokana-monina ho an’ ny Faritra Anosy sy Androy iny, hoy ny mponina avy any an-toerana, noho ny fahapotehana miandalana mahazo ny Lalam-pirenena faha-13 mampitohy azy ireo amin’ny Faritr’Ihorombe manomboka eo amin’ny sampanana Andranovory

. Nampangain’ny mponina any amin’ireo Faritra ireo ho mpanao politika mpampiesona ny minisitry ny asa vaventy Roland Ratsiraka izay nampanantena ny hamita tanteraka iny RN 13 voalaza iny tamin’ny nandraisany ny toerana maha minisitra azy nefa hatramin’izao tsy hita izay lalàna vita teo na dia ampahany ihany aza. Nahitsy mihitsy moa ny tenin’ny mpitondra-tenin’ireo Faritra roa ireo, ny depiote Randrianasolo Jean Nicolas, raha nananambara tamin’ny fitafana tamin’ny mpanao gazety teny Antaninarenina omaly,  fa tokony hoesorina mihitsy tsy ho hita tabilao ao anatin’ny ekipan’ny governemanta vaovao ho avy ity minisitry ny asa vaventy am-perinasa ity. Nolazainy mihitsy aza fa efa nampitainy any amin’ny filoham-pirenena Hery Rajaonarimampianina izany hetahetam-bahoaka izany. Tena zanaka amboadia mitafy hodi-janak’ondry  ity minisitra ity raha ny marina, hoy ity depiote ity. Marihana, hoy izy, fa nilaza ho manana antontan-taratasin’ny fahotana nataon’ireo mpifaninana taminy nandritra ny fifidianana ho filoham-pirenena farany teo izy nefa hatramin’izao tsy hita popoka ny nanjavonan’izany.

Ntsoavina Evariste

Tia Tanindrazana

Samia mijoro ho an'i Gasikara.