Politique

Depiote Randrianantenaina Jos� Nanolotra fitafiana ho an�ireo mpitondra fivavahana

Politique
Talata 17 Mey 2016

Amin�izao vanim-potoan�ny hatsiaka manomboka manafika an�i Vakinankaratra izao dia nahita fomba hafa anampiana ireo mpitondra fiangonana ny solombavambahoaka Randrianantenaina Jos�.

Notolorany palitao mihaja indray ireo katekista ho an’ny distrikan’Antsirabe faharoa, ka sady ahafahana manompo an’Andriamanitra izany no hiarovana amin’ny hatsiaka ihany koa. Nisantatra izany ny tompon’andraikitra ara-piangonana tao amin’ny kaominina Antanambao, amin’ny distrika ara-piangonana Soamananazy ka katekista niisa 54 no notolorana akanjo mihaja sy mafana, narahin’ny distrikan’i Soanindrariny ka katesista 60 indray no notolorana toy ny teo aloha. Ny alahady moa dia ny distrikan’Ambohibary ka katekista niisa 72 ihany koa no nizarana io fanomezana io. Anisan’ny nanaitra ireo tompon’andraikitra ara-piangonana ireo ity fanomezana ity satria ny mahazatra ny maro dia saika rehefa hisy fifidianana ihany no hizaran-javatra tahaka izao. Ny fanazavana nomen’ny solombavambahoaka moa dia tsotra mpitondra fiangonana ary mpiahy ny vahoakan’Andriamanitra ireny ka tsy maintsy tohanana. Raha ny fanazavany ihany dia mbola hiitatra amina fiangonana hafa ankoatry ny katolika ny hetsika satria efa misy ny fandaharam-potoana nataony ho amin’izany mandritra ity ririnina ity.