Politique

Partagé sur :
• facebook

Ao anatina firenena demokratika isika ary lalao politika io mitranga eny amin’ny antenimieram-pirenena io, hoy ny filoha mpanorina ny antoko politika ABA, Dany Rakotoson,

 raha naneho ny heviny mikasika ny resaka fikasan’ireo depiote hanongana ny praiminisitra, Christian Ntsay, Ankehitriny. Nisy zavatra nangatahin’ireo parlemantera tsy notanterahin’ny filoham-pirenena. Ny ankamaroan’ireo mpanohana ny filoha koa tsy mitovy ideolojia. Ho an’ny antokom-bahoaka izao dia ny hanatsara ny fiainam-bahoaka no ideolojiany fa ny an’ny sasany dia fitadiavan-tseza. Rehefa tsy azony ny sitrapony dia manozongozona izy. Mandrora mitsilany ihany ireo depiote, izay IRD no maro an’isa, hoy izy, raha izany tokoa no mitombona, satria ireo no andrasan’ny filoha hiaraka hampandroso haingana ny firenena aminy. Tsy hadisoan’ny filoham-pirenena irery fa an’ny mpanao politika rehetra ny maha betsaka ny antoko politika eto ho tsy mitsangana amin’ny alalan’ny foto-kevitra. Hany ka lasa fahazarana, hoy ny fanazavany, ny mametraka teknisianina toy ny praiminisitra ankehitriny eo amin’ny toerana politika. Manjary tsy fampandrosoana loatra no ataon’ilay notendrena fa fanatanterahana baiko. Diso lalana ireo depiote mikasa hanongana ny praiminisitra satria raha mahatratra ny antsasa-manila izany sonia voalaza ho voahangona izany dia midika fa mpamadika azy izany ireo mpiaradia amin’ny filoha.

J. Mirija

Tia Tanindrazana

Samia mijoro ho an'i Gasikara.