Politique

Depiote Maro �Aoka izay ny fifanaratsiana, fa ny fampandrosoana no banjinina�

Politique
Talata 13 Mey 2014

Nivoitra nandritra ny valandresaka nataon�ny solombavambahoaka voafidy tao amin�ny Distrikan�Ambatondrazaka Marohajaniaina fa tokony hajanona amin�izay ny adihevitra rehetra tsy mitondra amin�ny fampandrosoana.

Ny fampandrosoana sy ny fanasoavam-bahoaka, hoy izy no tokony hobanjinina. Havalona hatreo, hoy ny depiote Maro ny fifanaratsiana fa ny tanjona iombonana amin’ny fampandrosoana ny Distrikan’Ambatondrazaka no katsahina. Manantena asa mivaingana avy amin’ny governemanta ny tenany ary mampanantena ny vahoaka any Ambatondrazaka fa hisy tsy ho ela ny fitsidihany ny isam-pokontany any amin’ireo Kaominina 20 mandrafitra ny Distrikan’ Ambatondrazaka. Amin’ny maha filoham-baomieran’ny fizahantany azy eo anivon’ny Antenimieram-pirenena dia ho laharam-pahamehana atsy ho atsy ny fananganana ivontoerana ho an’ny fizahantany any Alaotra, indrindra ao anatin’ny Distrikan’Ambatondrazaka. Ny vahoaka any Alaotra Izay efa miandrandra zavatra betsaka avy amin’ireo depiote nofidiny, indrindra ao anatin’izao vanim-potoana mampitotongana ny vidim-bokatra izao.