Politique

Depiote kandidà ben`ny tanàna Afaka miverina raha tsy voafidy

Politique
Zoma 20 Septambra 2019

Afaka miverina depiote ireo nilatsaka hofidiana ho ben’ny tanàna raha tsy voafidy. Raha ny andininy ao amin`ny lalàmpanorenana mifandraika amin`ity tranga ity dia ny and.

faha-71 izay manambara fa “tsy azo ampirafesina amin`ny asam-panjakana na olom-boafidy hafa ankoatra ny asa fampianarana ny maha solombavambahoaka” . Efa nisy moa tranga toy izao tamin`ny fifidianana ben`ny tanàna 2015 tao Fianarantsoa. Christine Razanamahasoa, solombavambahoaka voafidy tao Ambatofinandrahana am-perinasa tamin`izany no narotsaky ny Mapar saingy tsy lany. Niverina nandray ny sezany tao Tsimbazaza anefa izy rehefa tsy lany. Ho an`ity fifidianana amin`ny 27 novambra ity dia i Roland Ratsiraka, filoha nasionalin`ny antoko Malagasy Tonga Saina (MTS) solombavambahoaka vao voafidy tao Toamasina I tamin`ny fifidianana natao ny 29 mey lasa teo, no nandrotsaka antontan-taratasy filatsahan-kofidiana ho ben`ny tanàna. Miandry ny fanamafisana ataon`ny CENI amin`ny 24 septambra 2019 izao raha anisan`ireo kandidà nahafeno fepetra takian`ny lalàna mifehy ny fifidianana ny antontan-taratasy firotsahan-kofidiany i Roland Ratsiraka.

Marigny A.