Politique

Depiote Jaona Elite Natolony manontolo hanohanana ny mpianatra ny karamany

Politique
Alakamisy 22 Mey 2014

Natolotry ny depioten�Atsimondrano Randriarimalala Harijaona na Jaona Elite hanaovana asa sosialy ny karamany mandritra ny fotoana maha solombavambahoaka azy.

Sekoly enina, ka EPP ny dimy miampy sekoly iray fitaizana zaza kamboty no nisantatra ny fanampiany ka notolorany vola mitentina 6 tapitrisa Ariary omaly, hanohanana ara-tsakafo ny mpianatra miisa 2 000 amin’ny «cantine scolaire». Hizarana sakafo in-droa isan-kerinandro mandritra ny iray volana izy ireo. Fanatanterahana ny fampanantenana natao tamin’ny fampielezan-kevitra izao hetsika ataon’ny fikambanana Fanasina ho fampandrosoana an’Atsimondrano izao, hoy i Jaona Elite. Nanamafy ny tenany fa hitohy mandritra ny dimy taona, haharetan’ny fe-potoam-piasana maha depiote azy ny fanampiana, ka tsy hisy ho diso anjara amin’izany ireo EPP ao Atsimondrano.