Politique

Depiote Aur�line Hiantoka ankizy 400 amin�ny fianarana

Politique
Alarobia 30 Aprily 2014

Ho fanatanterahana ny fanamby izay napetrany dia nanambara ny solombavambahoaka Andriamasimanana Auréline voafidy tao Ambatondrazaka tamin’ny lisitra “Alaotra Miray Hina” nandritra ny fandalovany tany Ambatondrazaka omaly fa hiantoka ny fianaran’ny ankizy miisa 400 ao anatin’ny Distrika hiadidiany izy ary hanangana “cantine scolaire” iray isaky ny Kaominina. “Ireo ankizy ankehitriny no hoavin’ny tanàna Ambatondrazaka rahatrizay ka rariny loatra raha beazina ho tonga manam-pahalalana”, hoy ny tenany. Nampirisika ny Ray aman-dreny ny tenany hampiditra ny zaza an-tsekoly ary tsy hanao ankilabao ny fanabeazana ny kilonga. “Vonona ny tenako hanao tolotanana”, hoy izy saingy mila miara-miasa ny rehetra.