Politique

CUA sy R�gion Ile de France Hamaritra laharam-pahamehana vaovao

Politique
Talata 21 Jona 2016

Nifantoka tamin�ny lafiny fitaterana, ny fihariana ara-pambolena ary ny fiaraha-miasa eo amin�ny lafiny samihafa ara-tsosialy ny fihaonana teo amin�ny Ben�ny tan�nan�Antananarivo Lalao Ravalomanana

sy ny Delegasiona avy amin’ny Région Ile de France, notarihin’ny tale jeneraly lefitra Jack Beltrand, omaly tao amin’ny Lapan’ny tanàna Analakely. Maika, na marolafy aza, ny sehatra hiaraha-miasa satria ny fampirantiana ny asam-pikarohana sy ny sehatra efa niaraha-niasa nandritra ny 20 taona mahery no tsy maintsy iaingana manomboka izao. Nanipika ny Ben’ny tanàna Lalao Ravalomanana fa ilaina ny fiaraha-mikaondoha manodidina ireo sehatra ireo mba hamaritana ny laharam-pahamehana manomboka izao. Amin’ny herinandro ambony no hanatanterahana izany. Hojerena manokana ny fitaterana sy ny fanatsarana azy hialana amin’ny fitohanana. Eo koa ny fanajariana ny fambolena sady famoronana asa mahavelona, mampidi-bola isan-tokantrano. Tsiahivina fa manolotra teknôlôjia hiaraha-miasa amin’ny tanànan’Antananarivo hampanjariana sy hanatsarana ny fari-piainan’ny mponina eto an-drenivohitra ny fiaraha-miasa eo amin’ny Région Ile de France sy ny CUA.

Nangonin’i Jean D.