Politique

CT Sazalahy Tsianihy �Asan-jiolahy ny fanonganam-panjakana�

Politique
Talata 16 Aprily 2013

Asan-jiolahy ny fanonganam-panjakana satria tsy manaja ny hasina maha olona izany, hany ka mihavery hasina ny firenena iharan�izany amin�ny lafiny rehetra, hoy ny CT Sazalahy Tsianihy avy amin�ny Ankolafy Ravalomanana.

Toy ny misy eto Madagasikara : ireo olona nanongam-panjakana voasazy eo amin’ny iraisam-pirenena nefa ny vahoaka Malagasy sy ny firenena no mibaby ny tsy eran’ny ainy amin’izao fotoana izao. Ireo olona mpanongam-panjakana nampitondra faisana ny vahoaka indray no mifanandrina sy mifandramatra ary miady toerana sy fahefana tsy tahotra tsy henatra. Inona no nataony teo efa-taona ? Manjaka ny asan-jiolahy sy ny fanafihana manerana ny Nosy. Maro ireo very fananana sy namoy ny ainy. Tsy voaaro ny ain’ny olona sy ny fananany. Latsaka lalina anaty fahantrana ny mpiara-belona. Tsy ara-dalàna ny fitantanan-draharaham-panjakana fa sady tsy madio no tsy mangarahara. Manjaka ny tsolotra sy risoriso eo amin’ny fanadinam-panjakana. Olom-bitsy no mitango ny harem-pirenena. Raha hiroso amin’izany fifidianana izany amin’ity taona 2013 ity, dia arosoy aloha ny orimbaton’ny fampihavanam-pirenena tarihan’ny FFKM, hoy ny CT Tsianihy, hisian’ny fitoniana hivoahana amin’ny krizy fa mijaly sy sahiran-tsaina ny vahoaka. Avoahay ireo gadra politika, avereno ireo sesitany politika, sokafy ny haino aman-jery nakatona.

Ntsoavina Evariste