Politique

CT Ralaiarison Justin Ny famotsoran-keloka faobe no vahaolana

Politique
Alakamisy 15 Martsa 2012

Nisy iraka manokana tany atsimo nataonay mirahalahy, Ralaiarison Justin sy Sazalahy Tsianihy izay mpikambana amin’ny Kongresin’ny tetezamita, avy amin’ny ankolafafy Ravalomanana avy any Atsimo Andrefana nanamafisanay fa ny famotsoran-keloka faobe no mahasoa ny vahoaka Malagasy manerana ny Nosy ka andrandrain’ny politika tia tanindrazana sy ny mpandraharaha te-hampandroso ny firenena. Raha ny tsy fandriampahalemana mihatra manerana ny lafivalon’ny Nosy no asian-teny dia mila fitoniana ara-politika ny fiainam-pirenena amin’ny ankapobeny.

Mihamahantra ny mpiara-belona ka mila fanatanterahana haingana ny tondrozotra ahafahana mahazo fanohanana ara-bola avy any ivelany, hoy ny CT Justin sy Tsianihy. Tena ilaina io fanampiana ara-bola avy any ivelany io satria raha tarafina amin’ny zava-misy any Atsimo ny resaka dia hita fa ny fanamboarana ny digy Fiherenana any Toliara II sy digy Ankiembe Toliara I dia asa vonjy tavanandro, zara raha vita no natao, noho ny tsy fisiam-bola. Ho anay ankolafy Ravalomanana, hoy ireto CT ireto, dia tsy hanaiky hilalaovan’ny mpanao politika sasany amin’ny resaka famotsoran-keloka asiana fanasivanana fa ho anay dia ny famotsoran-keloka faobe no mety hisorohana amin’ny fivakisan’ny fiarahamonina indray mandeha indray.

Manohy