Politique

CT Paul Pody "Ny fampihavanana ireo mpanao politika no vahaolana"

Politique
Zoma 30 Desambra 2011

Mitarazoka loatra ny olana ara-politika, hany ka miteraka olana lalim-paka anivom-piarahamonina ihany koa, hoy ny mpikambana eo anivon'ny Kongresin'ny tetezamita Paul Pody.

Tsotra ny vahaolana, hoy ny lehilahy, dia ny fampihavanana ireo mpanao politika malagasy. Ny fomba hanatanterahana izany dia ny fampijoroana tetezamita tena iraisan'ny rehetra ary tsy misy fanilihana. Nasiany teny ihany koa ny amin'ny tondrozotra izay tokony hampiharina tanteraka fa tsy atao amin'ny ampahany ihany. Toa zary lasa antso an'efitra ihany anefa izany tosakevitra izany ankehitriny fa ny manao anterisetra ho amin'ny fanatanterahana ny fifidianana no mahadodona ireo milaza azy ho mpitondra an'i Gasikara, ity farany izay efa mandady tanteraka noho ny fahantrana mitambaby.
Lalasoa R.