Politique

CT Mamisoa Hoteren�ny TGV ho kandida Rajoelina ?

Politique
Zoma 05 Aprily 2013

Nahitsy ny tenin’ny CT Rakotomandimbindraibe Mamisoa omaly teny an-kianja nilaza fa folaky ny FAT ny filohan’ny Ceni-t. “Firy isan-jato izao ny Malagasy no hahay ilay bileta tokana ?”, hoy izy. Tapitra eo amin’ny fananganana andrim-panjakana tsy ara-dalàna ve ny tondrozotra ? Tanteraka 100% io tondrozotra io, hoy ity CT avy any Ambatolampy ity, vao afaka miroso amin’ny fifidianana isika. Mazava ny tenin’ny filoha Marc Ravalomanana teo, hoy izy, fa tsy hanolotra kandidà izany ny Ankolafy Ravalomanana raha tsy tafaverina an-tanindrazana izy. Ireo avy amin’ny Ankolafy Rajoelina nanambara ofisialy ny maha kandidà azy ireo dia mpanongam-panjakana tamin’ny 2009 avokoa ka samy te-ho lohany. Malaza any an-dapa any, hoy ity CT ity, fa ho terena hilatsaka ho kandidà indray i Andry Rajoelina ao anatin’ilay kongresy ho ataon’ny TGV ka raha izay tokoa no hisy dia ho kandidà “ automatique” koa i Dada ka avela hifanandrina eo amin’izay ny roa tonta.