Politique

CT Donazy Ny ataon�ny FAT no mampafana ny toe-draharaha eto

Politique
Alarobia 25 Aprily 2012

Marina fa mafanafana tokoa ny toe-draharaha eto amintsika ankehitriny, hoy ny CT Donazy avy amin�ny ankolafy Ravalomanana voatendry avy any Farafangana, ny antony dia ny mpitondra FAT tsy nanaraka ny tondrozotra an-tsakany sy an-davany no nahatonga izany.

Mody manaiky hanao sonia an’ilay tondrozotra ry zareo nefa ny ao antsainy dia ny hitondra irery ilay raharaham-panjakana ka izay izany no tsy eken’ny ankolafy Ravalomanana, indrindra izahay avy any Atsimo Atsinanana, izany satria izahay rehefa nanao sonia dia tapa-kevitra fa hanatanteraka ny zavatra nataony sonia, hoy ity Parlemantera ity. Nanamafy ny hisian’ny tatitra hataon’ny Parlemantera avy amin’ny ankolafy Ravalomanana eto Antananarivo ny sabotsy 28 aprily izao i Donazy, izay nanamarika fa “gaga raha maheno fa misy ny ramatahora atao nefa zonay Parlemantera no manao tatitra amin’ny vahoaka ny fivoriana nataonay”. Na izany aza dia nanamafy ny tenany fa tsy mihemotra ary “izahay rehetra mihitsy no hitarika an’io hetsika amin’ny sabotsy io”, hoy izy.

Manohy