Politique

Club des Jeunes Supporteurs Marc Ravalomanana Hatsangana manerana ny Faritra 22

Politique
Zoma 24 Jona 2016

Efa am-perinasa tanteraka izao ny Birao Foiben'ny CSJ-MR (Club des Jeunes Supporteurs Marc Ravalomanana) ka ao Fianarantsoa Renivohitra no misy ny Foibeny ary efa mametraka rafitra sy Birao isam-paritra izy ireo.

Fikambanana miisa 7 no mandrafitra ny CJS-MR izay tsy nanavahana firehan-kevitra ara-pinoana sy ara-pirazanana. Misy ny rafitra efa mijoro eo anivon'ny Fikambanana izay Tarihan'Andriamatoa Ramanantsalama Honoré Chrysostome, filoha nasionaly. Ezaka lehibe hotratrarina ny hananganana ny rafitra isaky ny faritra 22 ao anatin'ny 3 volana mialoha ny hanaovana ny kongresim-paritra.

Marihina fa efa misy ny pejy facebook CJS-MR Tanora Mifanome tanana izay efa ifaneraseran'ny mpikambana sy ireo izay maniry ny hikambana izay asaina hiditra an-tanan-droa.

Ntsoavina Evariste