Politique

CLRE Antananarivo Renivohitra sy ny manodidina Misy lehiben’ny fokontany tsy mety mandray azy ireo

Politique
Talata 23 Janoary 2018

Nihaino ny tatitra nataon’ireo CLRE na ny « Comité Locale pour le Recensement des Electeurs » tetsy Antaninandro ny faran’ny herinandro teo ny mpanolotsaina manokan’ny filoha lefitry ny TIM Faritanin’Antananarivo Ramalason Olga,

Atoa Ranaivorazo Raobelina Feno sy ireo mpikambana TIM mpiara-miasa aminy. Ireto CLRE ireto no fantatra fa manara-maso ny lisi-pifidianana eny anivon’ny fokontany tsirairay misy azy avy ka manan-jo tanteraka hikirakira azy io koa sy ny carnet fandraisana an’ireo fitarainana rehetra azo tamin’ny fijerena ifotony an’izany lisi-pifidianana izany. Anisan’ny nisongadina tamin’izany tatitra nataon’ireto CLRE izany ny nahitan’izy ireo lesoka sy tsy fanarahan-dalàna maromaro nataon’ireo sefom-pokontany maromaro ihany koa ary nisy mihitsy aza lehiben’ny fokontany tsy mety mandray an’ireto CLRE ireto. Noraisina an-tsoratra avokoa ireo tatitra rehetra voaray tamin’ity fihaonana ity ka nalefa hodinihan’ny rafitra TIM any ambony.

Nambaran-dRaobelina Feno tao anatin’ity dinika ity koa fa efa voatendry ny CED Antananarivo miisa 2 solontenan’ny antoko TIM ao amin’ity distrika ity hanara-maso ny famaranana na “arrêtage” ny lisi-pifidianana.

Ntsoavina Evariste