Politique

Partagé sur :
• facebook

Naharitra dia naharitra ny lahateny nataon’i Camille Mektob, omaly alakamisy 22 septambra tetsy amin’ny Magro Behoririka, nefa tena nahaliana ny mpitolona ka tsy nampiala azy ireo mihitsy na dia nisy aza ny rotsak’orana nifafy teny an-toerana.

 Ny fanazavana tamin’ny an-tsipirihany ary isaky ny andininy an’ilay tondrozotra nosoniavina teny Ivato ny sabotsy 17 septambra teo no nentiny mba tsy hisian’ny fandikana vilana sy mba tsy haha tompon-trano mihono ny vahoaka ihany koa. Tsy nosoratana fotsiny ho avy aty amin’ny Ankolafy 3 ny praiminisitra satria isika ihany no mpanohitra ny FAT, ka tsy mila mahay lalàna na manampahaizana manokana dia mahatakatra an’izany, hoy izy. Iny nosoniavina iny no misolo ilay fitsapan-kevi-bahoaka kitoatoa tamin’ny 17 novambra 2010, ary ny andininy faha-18 ao amin’ny tondrozotra no miteny fa “aministie large” ka dia ofisialy ny fahatongavan’ireo eto ka izay no anton’ilay hoe «aza misahirana».

Manahirana ny olona toa an-dry Marson Evariste sy ry Reboza Julien, hoy i Camille Mektoub nefa noho ny tsy fahombiazana no nanalana azy ireo tsy ho ministra intsony tamin’ny fotoan’androny. Ankoatra izay dia nambarany fa heloka bevava amin’ny zanak’olombelona ihany koa ny fanapotehana sy fandorana ny Magro manerana ny Nosy izay nahatonga ireo mpiasa maro be tao aminy ho tsy an’asa, hoy ihany ny fanazavan’ity mpitari-tolon’ny Ankolafy 3 ity. Ho hita ao amin’ny ”vérité et réconcialition » izany. Ka tsotra io na ireo mihavana na hisary adala fa mazava ireny nataon’ny Pr Zafy ireny, hoy izy.

Manohy

Tia Tanindrazana

Samia mijoro ho an'i Gasikara.