Politique

Brian Currin Nanomana ny fiverenan�i Dada

Politique
Sabotsy 14 Jona 2014

Anisan�ny fepetra takian�ny fianakaviambe iraisam-pirenena amin�ny mpitondra fanjakana Malagasy vaovao ny fijerena akaiky ireo vary mangatsiaka tsy mbola tanteraka voalazan�ny tondrozotra.

Iray amin’ireny ny fampodiana ireo Malagasy sesitany politika, mbola tafajanona any ivelany. Voakasik’izany manokana ny filoha teo aloha Ravalomanana Marc. Azo ambara fa mizotra miadana sady milamina ny resaka ankehitriny. Porofon’izany ny nahatongavan’ilay mpisolovava afrikanina tatsimo Brian Currin teto Madagasikara. Tafiditra ao anatin’ny fandaharam-potoanany amin’izao diany eto Madagasikara izao ny fifampidinihana amin’ireo tompon’andraiki-panjakana isan-tsokajiny misahana izany, toy ny Filankevitry ny fampihavanana malagasy, ny filohan’ny Antenimieram-pirenena. Tsy mbola misy mahalala ny tena vaovao momba azy ity moa saingy inoana kosa fa ny manodidina ny daty raikitra hiverenan’ny filoha teo aloha amin’ny fotoana mahamety azy araka ny nambaran’ny filoham-pirenena Rajaonarimampianina Hery.