Politique

Ban Ki-Moon Miantso ny mpanao politika hifanaraka handrafetana governemanta

Politique
Zoma 23 Septambra 2011

Nankasitraka ny fahavitan’ny sonian’ny sori-dalana, nataon’ireo ankolafy politika ny 17 septambra teo ny Sekretera jeneralin’ny Firenena Mikambana, Ban Ki-moon ary manainga ny rehetra hiroso amin’ny fampiharana azy iny, izay ambarany fa manokatra ny lalana mankany amin’ny fifidianana milamina sy azo antoka. Eo anatrehan’izany dia miantso ireo mpanao politika rehetra i Ban Ki-moon hifanaraka mba hahafahana mandrafitra haingana ny governemantan’ny tetezamita. Manainga ireo mpiara-miombon’antoka amin’i Madagasikara koa ny Sekretera jeneralin’ny Firenena Mikambana, mba hanohana ny fahatanterahan’izany.

Rehefa izay dia nankasitraka ny ezaka nataon’ny SADC ny tenany, tamin’ny fanelanelanana handaminana ny krizy eto, ary nanamafy fahavononan’ny Firenena Mikambana hanohana ny Malagasy mba hamerenana indray ny fandriampahalemana.

Nangonin’i Jean D.