Politique

Avarapianarana malagasy Manomboka manao pimaso an’i Andry Rajoelina

Politique
Talata 22 Janoary 2019

Nanao pimaso amin’ny filoham-pirenena vaovao Andry Rajoelina omaly ry zareo avarapianarana mivondrona eo anivon’ny fikambanana Mafami.

Niarahaba sy nirary soa ity filoha vaovao ity izy ireo ary nametraka tsindrim-peo fa manana teknisianina maro afaka hifanome tanana amin’ny fanatanterahana ny IEM. Raha misy fifanomezan-tanana ilain’ny fitondrana dia vonona izahay, hoy izy ireo izay ahitana mpianatra ambaratonga ambony sy mpiasa ary mpandraharaha. Ahitana mpikambana an-tapitrisany manerana ny nosy ny fikambanana, raha ny nambaran’ny filoha nasionaliny, Hasimpirenena Rasolomampionona, ary efa 40 taona niorenana. Ity izany no fikambanana avarapianarana nanao pimaso voalohany ny filoham-pirenena taorian’ny fianianany. Raha ny fantatra anefa dia efa maro ireo teknisianina namolavola ny tetikasan’ny filoham-pirenena vaovao ary azo antoka fa tsy maintsy haka ny anjarany amin’ny fanatontosana izany. Hatao aiza daholo re izany izay hanao pimaso hafa hanao tohivakana eo e ?

J. Mirija