Politique

AV 7 Iray tsy mivaky

Politique
Alatsinainy 06 Febroary 2017

Iray tsy mivaky ny AV7 (Association des Victime du 7 f�vrier 2009) ary tsy hisy mandrakizay ny AV7 B. Io no nambaran�i Tsimirehadava, anisan�ireo mpikambana raha nitafa tamin�ny mpanao gazety izy ireo ny sabotsy 4 febroary teo.

Miely ny feo ankehitriny fa nivaky izahay, hoy izy, tsaho izany ! Toraka izany ny filazana fa tsy hanamarika ny datin’ny 7 febroary izahay, tsingerin-taona hahatsiarovana ireo mpitolona namoy ny ainy teny Antaninarenina tamin’ny taona 2009. Efa eo am-panomanana izany ny AV7 ka hisy ny fotoam-pivavahana, ny fanateram-boninkazo … Niteraka fahatarana teo amin’ny fanomanana ny fisian’ireo vahiny maro nifanesy tonga teto Madagasikara toy ny filoham-pirenena tiorka Recep Tayyip Erdogan, ny sekreteram-panjakan’ny Fiketrahana Masina, ny kardinaly Pietro Parolin… Mikasika ny fitsinjovana ireo mpikambana indray dia nomarihin’ny filohan’ny AV7 Rafaramandimby Boana Jean Pierre fa tafiditra ho mpiasam-panjakana manana sata ECD ny 209 hahafahan’izy ireny mitsinjo ny hoaviny. Ny roa tamin’ireo no nambarany fa efa mpiasam-panjakana hatramin’izay saingy mbola nokarakaraina manokana ihany koa.

Pati