Politique

Arseveka Razanakolona sy Andry Rajoelina Nihaona mangingina teny Ivandry

Politique
Zoma 26 Aogositra 2011

Omaly maraina dia fantatra fa nihaona mangina teny amin�ny tranon�ny solontenan�ny Papa eny Ivandry ny filohan�ny FAT, Andry Rajoelina sy ny Arsevekan�Antananarivo, Mgr Razanakolona Odon Marie Ars�ne.

Araka ny fantatra dia tsy tao an-toerana fa any ivelany ilay masoivoho tompon’ny trano tamin’ity fihaonana ity. Ny sekretera voalohany no tao. Manaraka izay dia nahagaga ihany koa ny nahita ny filohan’ny FAT nidina teny an-toerana mihitsy. Fa naninona no tsy teny amin’ny lapan’Iavoloha no natao ny fihaonana. Voadingana koa teto ny FFKM, fa dia niditra an-tsehatra samirery ny filohan’ny EKAR. Tombanan’ny maro fa mahakasika ny krizy eto amin’ny firenena amin’izao fotoana izao no mety ho anton’ny fihaonana.

Mikatso tanteraka rahateo ny raharaha ary samy manakiana ny FAT avokoa ny ankamaroan’ireo vondrona politika. Na ireo vondrona manana minisitra ao anaty governemanta aza dia tahaka izay ihany koa. Latsaka an-katerena ny FAT ka mety nila hevitra tamin'ity filoham-piangonana ity ny tenany. Ny mpitazana aza moa mihevitra fa mety ho anisan’ny vahaolana noresahina tao ny fametraham-pialan’ny filohan'ny FAT, na azo antoka aza fa tsy hanaiky mora izany ity farany. Ho hita eo ny tohiny fa mihazakazaka ny toe-draharaha ankehitriny.

Mohamed