Politique

Aretin’i Madagasikara Sarotra sitranina

Politique
Alarobia 14 Martsa 2018

Niaiky ny rehetra fa niha mafy hatrany ny krizy teto Madagasikara, indrindra taorian’ireo fifidianana efa nandalo ary tsy mbola nisy voavaha.

Ny anaran’ny komity misahana ny fampihavanana efa in-3 niova nanomboka ny taona 1993 no ho nankaty saingy tsy hita izay fampihavanana tontosa teo fa mainka aza miha mifanambaka sy mifamono an-toerana ny mponina fa very ny kolontsain’ny fifamelomana sy ny firaisankina. Mangingina ilay komity vaovao na ny CFM ary na ny olom-pirenena aza tsy misy miraika. Tsy mazava amin’ny rehetra ny aretin’ity firenena ity. Aiza ny fotony ? Rafitra sa tarazom-panjanahana ? Ny hita aloha dia kamo hitsabo ny firenena ny mpanao politika satria dia miharihary fa tsy miova ny fomba amam-panao efa notsikerain’ny mpanara-baovao hatramin’izay. Miitatra lava ny fivoriana eny amin’ny antenimiera. Mbola mifandramatra sy hila hifampikasi-tanana ireo depiote rehefa misy tsy hifanarahana. Ny sasany manompa mpanao gazety, raha iverenana fotsiny ny tranga omaly. Resaka lalàm-pifidianana amin’io no dinihina. Raha ny fandehan-draharaha hatreto aloha no dinihina dia tsy fifidianana araka ny nambara no vahaolana. Fomba ahoana anefa no hahafahana manova rafitra vetivety eo ? Aiza ny vahaolana maharitra ?

J. Mirija