Politique

ANTOKO STEP MADAGASIKARA Hamerina amin’ny fomba madio ny fanaovana politika eto amintsika

Politique
Alatsinainy 04 Martsa 2019

Antoko politika vaovao vao niforona ny Step Madagasikara, tarihin’ny filohany Rtoakely Raberanto.

Enina mianadahy ireo mpikambana ankehitriny izay nihaona voalohany tetsy amin’ny Cmdelac Analakely ny faran’ny herinandro teo notronin’ireo tanora marobe mitovy taona aminy. Anton’ny fihaonana ny hamondronana ireo tanora mitovy fomba fijery rehetra ka hahatonga azy ireny ho mpitarika sady hanam-pahendrena ho modely tarafin’ny hafa eny anivon’ny fiarahamonina. Tsy hanongam-panjakana akory izahay, hoy Rtoakely Raberanto fa kosa hijery ny eny ifotony mihitsy manomboka any amin’ny asa fanabeazana hanarenana ny tsy mety. Tafiditra ao anatin’izany ny famerenana amin’ny fomba madio ny fanaovana politika eto Madagasikara. Zary lasa ratsy ary tsy hankasitrahan’ny olona intsony mantsy ny fanaovana politika eto amintsika nefa tsy ny politika no ratsy, hoy Razafimahazo Paul, filoha lefitry ny fikambanana fa ny fanaovana izany no tsy araka ny tokony ho izy. Roso ny dian’ny antoko Step Madagasikara. Tsy ny haka na hiady seza no mahamaika azy ireo fa ny hanambatra ny heriny ho enti-manavotra ny firenena ka afaka folo taona any ho any vao mety hisy hilatsaka hofidiana ho Ben’ny tanàna na solombavambahoaka ireo mpikambana ao aminy.

Pati