Politique

Antoko SJIAN Tanteraho haingana ny fampihavanam-pirenena

Politique
Zoma 18 Jolay 2014

Mangataka ny hanatanterahana haingana ny fampihavanam-pirenena ny antoko SJIAN (Solidarit� des jeunes intellectuels pour l�avenir de Madagascar).

Io ihany mantsy, hoy ny filohany, Monja Nasondrotra Audran, no hany vahaolana hahafahana mampandroso ny firenena ka hifanomezan’ny rehetra tanana. Zary lasa resa-be fotsiny izany teo aloha teo fa tsy nahitam-bokany, hoy ihany ny antoko SJIAN. Manainga ireo raiamandreny ara-drazana, raiamandreny am-panahy ny antoko mba hijery akaiky ny fanatanterahana azy io. Fampihavanana izay notsindriany fa tokony hatrehin’ireo filoham-pirenena dimy lahy mianaka nifandimby ka anisan’izany ny filoha Ravalomanana Marc izay tokony ho tonga hiatrika izany eto an-tanindrazana mihitsy. Ny tanjona, hoy ihany ny antoko SJIAN dia mba hahafahana mamaha ny disadisa ara-politika iadanan’ireo vahoaka madinika 22 tapitrisa.