Politique

Antoko politika ABA Hiezaka hametraka ny rafi-mangaikany manerana ny nosy

Politique
Alatsinainy 10 Febroary 2020

Fantatra fa hiezaka hametraka ny rafi-mangaikan’ny antokony manerana ny nosy ny antoko politika ABA manomboka izao ka

tamin’ny zoma 7 febroary 2020 dia nisy ny fivoriana naton’ny Birao foiben’ny antoko nandinihana ny hametrahana “Coachs Regionaux” manerana ny Faritra rehetra eto Madagasikara. Hidina amin’ny fametrahana ny “Coordonateur ABA” eny amin’ny Distrika manerana ny nosy ihany koa izany aorianan’izay ary tsy hijanona, hoy ny Jeneraly Jean Ravelonarivo tetsy Antsakaviro omaly zoma 7 febroary, raha tsy mipaka eny anivon’ny fokontany samihafa izany fametrahana rafitry ny ABA izany. Marihana fa na dia anisan’ireo antoko zandriny indrindra vao niforona tsy ela aza ny ABA dia efa manana olom-boafidy maro izy eny anivon’ny kaomina maromaro manerana ny nosy ka raha variana tamin’ny fiatrehana ny fifidianana nifandimby teto amintsika toy ny rehetra ihany koa tao ho ao dia izao tapakevitra hampitombo ny ambaindain’ny antoko izao ankehitriny.

Ntsoavina Evariste